Ce sucedial in chês altris regjons?

Ce sucedial in chês altris regjons?

Udin, ai 11 di Març dal 2021 – La cunvigne di sabide (aes 10.30 in direte su Facebook e Youtube) e sarà la ocasion par capî ce che al sucêt ancje in chês altris realtâts a presince fuarte di lenghis minoritariis, tuteladis dal articul 6 de Costituzion e ricognossudis su la fonde de Leç 482 dal 1998.
In Alt Adis i palinsescj de RAI si caraterizin par un fuart contignût informatîf, cun 2 telegjornâi e 11 notiziaris radiofonics par todesc al dì, 1 telegjornâl e 2 notiziaris radiofonics in ladin, che si zontin a rubrichis cuotidianis e setemanâls par aprofondiments gjornalistics, rassegnis stampe, notiziis meteo e inzornaments su la viabilitât. In bande de informazion e je ancje une siore ufierte di trasmissions par todesc, talian e ladin di contignût ricreatîf, culturâl e educatîf. Sot dal profîl des scoltis, lis trasmissions televisivis in lenghe todescje a regjistrin dì par dì plui o mancul 180mil utents suntune popolazion di 300mil unitâts, intant che pes trasmissions televisivis in lenghe ladine la utence medie pe zornade e passe lis 40mil unitâts.
La sede Rai de Val di Aoste e fâs in totâl plui o mancul 380 oris di tv e 150 di radio ad an di notiziaris televisîfs e radiofonics, di chestis 26 oris a son di tv e 32 di radio in lenghe francese. Intal palinsest de programazion radiotelevisive regjonâl, aes trasmissions in lenghe francese a son dedicadis 78 oris di tv e 110 di radio, in bande di chês in lenghe taliane. Cun di plui a son mandâts, soredut la domenie, programs di intratigniment in patois valdostan, lenghe ricognossude a nivel regjonâl ma no uficiâl.
In Sardegne, invezit, lis trasmissions Rai a previodin dome programs di culture e intratigniment, ma no la part di informazion gjornalistiche.
Par chel che al rivuarde il Friûl Vignesie Julie, la convenzion dal 2017 e previôt 4.517 oris di trasmissions radiofonichis in lenghe slovene ad an, 90 oris par furlan e 1.667 oris par talian. Cun di plui previodudis ancje 208 oris di trasmissions televisivis par sloven. Cu la proroghe siglade la passade sierade, a son stadis zontadis 16,5 oris di trasmissions televisivis e 17,5 di trasmissions radio par furlan.

Tag

Postato il

11 Marzo, 2021

Invia commento

Il tuo indirizzo email non sarà pubblicato. I campi obbligatori sono contrassegnati *