Ai 13 di Març prime cunvigne de Assemblee di Comunitât Linguistiche Furlane (ACLiF) Ce pussibilitât di disvilup pal furlan intal servizi public?

,
Ai 13 di Març prime cunvigne de Assemblee di Comunitât Linguistiche Furlane (ACLiF)  Ce pussibilitât di disvilup pal furlan intal servizi public?

Udin, ai 9 di Març dal 2021 – La Assemblee di Comunitât Linguistiche Furlane (ACLiF), che e met adun passe cent e vincj comuns dal Friûl Vignesie Julie, e à inmaneât ai 13 di Març, aes 10.30, une cunvigne dedicade a aprofondî, in ocasion de scjadince de Convenzion dal 2017 jenfri Guvier e Rai, la suaze e lis pussibilitâts di disvilup de valorizazion de lenghe furlane tal servizi public.

L’avigniment, patrocinât di Regjon Friûl Vignesie Julie, ARLeF, Societât Filologjiche Furlane, Corecom, rispietant lis indicazions pal contigniment de pandemie, al sarà mandât in direte streaming. Il president di ACLiF e sindic di Valvasone-Arzene, Markus Maurmair, al moderarà gjornaliscj, dirigjents Rai e aministradôrs publics cun atenzion particolâr al confront cu la situazion previodude dal acuardi par chês altris minorancis linguistichis – slovene in FVJ, todescje e ladine in Sud Tirôl, francês in Val di Aoste – cun obietîf chel di otignî un cuadri inzornât de situazion des minorancis linguistichis intai programs Rai par capî cuâi che a son lis pussibilitâts disvilup de situazion pal furlan.

Ad introdusi e sierâ lis voris a saran l’assessôr regjonâl aes Lenghis minoritariis Pierpaolo Roberti e il president dal Consei regjonâl Piero Mauro Zanin; tra i ospits a son proviodûts pe  Presidence dal Consei dai Ministris Ferruccio Sepe e pe Rai il diretôr Relazions istituzionâls Stefano Luppi. Par aprofondî lis realtâts des minorancis, Martina Repinc, responsabil de struture di programazion slovene de sede Rai FVJ; Vittorio Longati, diretôr de sede RAI di Bolzan; Stefan Pescollderungg, cjâfredatôr RAI Ladinia; Luciano Caveri, assessôr regjonâl de  Vallée d’Aoste; Francesco Siddi, president di Confindustria Radio Televisione e za conseîr dal Comitât regjonâl rediotelevision de Sardegne. Par altris informazions visitâ il sît  www.aclif.it

La videoconference e podarà jessi lade daûr in direte su Facebook https://www.facebook.com/aclifit/, su Instagram Aclif e su Youtube, traviers i sîts internet www.aclif.it,  www.arlef.it,  www.filologjichefurlane.it, o in maniere direte de URL https://www.youtube.com/channel/UCixEGfu-cjORCkWfOj7LPnw.

Comunicato stampa

Invia commento

Il tuo indirizzo email non sarà pubblicato. I campi obbligatori sono contrassegnati *